ഷണ്മുഖപ്രിയ

ജനാലച്ചില്ലു പ്രതലങ്ങളിൽ
പ്രഭാതം പറ്റിച്ചുക്കൊടുത്ത മഞ്ഞുതുള്ളികളിൽ
നിറഞ്ഞു പൂത്തു വരുന്ന കുഞ്ഞു ലോകങ്ങൾക്ക്
നനഞ്ഞ വെയിലിന്റെ സുവർണ്ണ തിളക്കം,
മാനം പ്രതിഫലിപ്പിയ്ക്കുന്ന കടുംനീലയുടെ കടുത്ത സ്നേഹം,
തണുപ്പും കൊണ്ടുവരുന്ന കുഞ്ഞിളംകാറ്റിന്റെ തരിപ്പിയ്ക്കുന്ന മണം....

ഒറ്റ നിമിഷം കൊണ്ട്,
ലോകം മുഴുവൻ ചിറകടിച്ചു
പിടഞ്ഞുണർന്നുയർന്നു വരുന്ന ഷണ്മുഖപ്രിയ ആയിമാറുന്നു !