Thursday, April 24, 2014

പ്രതീക്ഷ


അടുത്തു നിന്നും
അകലങ്ങളിലേക്കുള്ള വഴിനീളെ
ഒരോർമ്മ ഉലർത്തുന്ന വസന്തകാലമുണ്ട്.
ഒരിക്കലും അടുത്തുവരില്ലയെങ്കിലും
അവയിലൊക്കെ ഒരു പൂക്കാലം
സമ്മാനിച്ച സുഗന്ധം നിറഞ്ഞുതുളുമ്പുന്നുണ്ട്.

എത്ര പറഞ്ഞാലും തീരാത്ത
കാറ്റിന്റെ സങ്കടങ്ങളുണ്ട്.

കൂട്ടത്തിൽ നിന്നകന്നുപോയ
ഒരു പൂവിന്റെ വിഷാദമുണ്ട്.

ഇതളുകളിൽ പറ്റിയ നീർത്തുള്ളികളുണ്ട്.

അകലങ്ങളെ തമ്മിലടുപ്പിക്കുന്ന
ഈ വസന്തകാലപ്രഭാതങ്ങൾക്കും
സന്ധ്യകൾക്കും ഇടയിൽ
പിരിയാൻ വയ്യാത്ത നൊമ്പരങ്ങളുമുണ്ട്.

കെടാത്ത ഒരു തിരിനാളമുണ്ട്...







5 comments:

സൗഗന്ധികം said...

സ്മൃതിപഥങ്ങൾക്കരികിലെ വസന്തകാലങ്ങൾ....

നല്ല കവിത

ശുഭാശംസകൾ....

വിനുവേട്ടന്‍ said...

എന്തുകൊണ്ടും ഉത്തമമായ ടൈറ്റിൽ... പ്രതീക്ഷ...

ആശംസകൾ...

വല്യമ്മായി said...
This comment has been removed by the author.
വല്യമ്മായി said...

"ഒരോർമ്മ ഉലർത്തുന്ന വസന്തകാലമുണ്ട്."

അത്തരം ഒരു വസന്തത്തിന്റെ ഓർമ്മയിൽ ഞാനിവിടെ :)

ചീര I Cheera said...

വല്ല്യമ്മായീ.... :)